တိုက်ခန်းဝယ်ယူမယ့်သူတွေသိရှိထားသင့်တဲ့အချက်များ

ရောင်းချမည့်သူက သူပိုင်ဆိုင်ကြောင်း၊ ရောင်းပိုင်ခွင့်ရှိကြောင်းတော့ ထုံးစံအတိုင်းပြောပါစေ။
မြေပိုင်/တိုက်ပိုင်ရှင်က လက်မှတ်ရေးထိုးပေး / မပေးကိစ္စကလည်း အရေးကြီးပါတယ်။
လစဉ်လခနှင့် အခြားဝန်ဆောင်ခများကိစ္စကို သေချာဆွေးနွေးပြီးမှ “ဈေးဆစ်တဲ့အလုပ်” ကိုလုပ်ကြပါ။
ရေမော်တာပါမစ်နှင့် လျှပ်စစ်မီးမီတာ ပါမစ်တို. တောင်းယူဖို. မမေ့ပါနှင့်။
အပျောက်တိုက်ခန်းဆိုတာကလည်း အိမ်ခြံမြေ (သို.) မရွှေ.မပြောင်းနိုင်သော ပစ္စည်းစာရင်းမှာ ပါဝင်နေပါတယ်။ မရွှေ.မပြောင်းနိုင်သော ပစ္စည်းကို ရောင်း/ဝယ်/ပေးကမ်းလုပ်မယ်ဆိုလျှင် နိုင်ငံတော် အစိုးရအသိ
အမှတ်ပြုထားတဲ့ ပုဂ္ဂိုလ် (အရာရှိ) ရှေ.မှာ အရောင်းအဝယ်ပြုလုပ်မှ တရားဝင်ပါတယ်။ ယခုလောလောဆယ် အသိအမှတ်ပြုအရာရှိကတော့စာချုပ်စာတမ်းမှတ်ပုံတင်အရာရှိ ဖြစ်ပါတယ်၊ (တိုင်းဆေးရုံအုပ်ကြီးတို.၊
ရုပ်ရှင်လုပ်ငန်းက ညွှန်ကြားရေးမှူးတို.ရှေ.မှာ လက်မှတ်ရေးထိုးလို. မရပါဘူးလို. ဥပမာပေးပါရစေ)
ဒီတော့အပျောက်တိုက်ခန်းတွေရဲ. ပိုင်ဆိုင်မှုကို ဘယ်လို လုပ်ကြပါ့မလဲ။
ပထမအဆင့် မရတော့လဲ ဒုတိယအဆင့်ပေါ့။
စာချုပ်စာတမ်း မှတ်ပုံတင်အရာရှိရှေ.ကို ရောက်ဖူးတယ်။ သူ.ရှေ.မှာ လက်မှတ်ရေးထိုးစာချုပ်ချုပ် ဝယ်ယူဖူးတဲ့သူရှိပါတယ်။ သူကတခြားသူမဟုတ်ပါဘူး။ အပျောက်တိုက်ခန်းတို.၏ မြေပိုင်ရှင်/တိုက်ပိုင်ရှင်ပေါ့၊ သူအသိအမှတ်ပြုလည်း မဆိုးလှပါဘူးလို. လုပ်နေကြရတာပါ။
ဒါကြောင့်မြေပိုင်ရှင် / တိုက်ပိုင်ရှင်လက်မှတ်အရေးကြီးပါတယ်လို. အပျောက်တိုက်ခန်းဝယ်ယူ ပိုင်ဆိုင်သူတို.ကို အသိပေးပါရစေ။

ဆရာကြီးဦးကြည်စိုး IC (အိမ်ဘုရင်) ၏ခွင့်ပြုချက်ရယူမျှဝေပါသည်။